新劇《反黑英雄》播出已經一個星期,扮演PTU警長「軒神」嘅 陳山聰 真係有型又威猛,難怪 朱晨麗 同 何沛珈 都同佢有感情線啦。至於明晚一集,將繼續 張頴康 囡囡被綁架嘅故事。
陳山聰於近日熱播嘅《反黑英雄》扮演警長「軒神」拍攝時囝囝Jaco曾到場探班睇爸爸拍戲
講到為人父母,兒女就係最寶貴嘅一切,好似山聰自從升任人父之後,唔止不時大曬同4歲囝囝 Jaco 陳霆軒 嘅溫馨日常,兩父子又會齊齊打扮到勁型咁外出,山聰一有時間亦會盡量爭取陪住小朋友,同太太Apple又不時帶住Jaco去唔同地方體驗見識,早前山聰仲Share帶Jaco到《反黑》現場探班嘅有趣相片。
呢日佢一早陪住囝囝考跆拳道升級試一有時間就會一家三口出動
一向鍾意運動嘅山聰,仲自細就培養Jaco對運動嘅喜好,呢日佢就Post出Jaco考跆拳道升級試嘅相片,短短幾個月時間就由黃帶升級到黃綠帶,難怪Jaco一臉自信喇。
似乎4歲嘅Jaco早已遺傳山聰嘅運動細胞
《反黑英雄》星期一至五晚 20:30 翡翠台