姚焯菲圓夢與偶像張天賦出合唱歌 七月返香港再發布多一首新歌

Chantel姚焯菲 好快就會返香港同各位小菲象見面，不過未現身前先有多個好消息，除咗新歌《Dreamscape》日前登勁歌金榜首位之外，Chantel亦破天荒同最近獲港台頒發最優秀流行男歌手嘅 MC張天斌 推出合唱歌。

Chantel近日就會返港準備演唱會，亦同時會推出同MC張天賦合作嘅新歌

新歌《誰能避開戀愛這件事》7月5號就會推出，同Chantel出道作《原來談戀愛是這麼一回事》歌名有啲相似，歌迷都相當期待會唔會係延續篇。其實早喺2022年，Chanel同MC經已有過合作舞台，喺一個電台新人巡禮度齊齊演出，Chantel仲大爆自己一直視MC為偶像。當時Chantel只有16歲，要對住小歌迷合唱英文情歌﹐MC都坦言話感覺有啲尷尬。

上星期喺電台頒獎禮獲大獎嘅MC，一直係Chantel喜愛嘅歌手

另外除咗呢首合唱歌之外，Chantel不日亦會公布另一首新歌。今個暑假相信Chantel行程爆滿，除咗公開新作，又會同兩位好姊妹Windy詹天文同Yumi鍾柔美合作兩場《音樂出沒Let’s play together演唱會》做準備。

Chantel嘅新歌《Dreamscape》成為《勁歌金榜》冠軍歌曲