張敬軒澳門演出落力與歌迷互動搞氣氛 見大隻佬唔敢除衫騷肌

張敬軒呢日去澳門演出，落力與歌迷互動搞氣氛，張敬軒更出動大膠袋接收粉絲嘅禮物，粉絲一向好花心思準備禮物，張敬軒見到禮物當中有底褲，反問粉絲有冇睇小佢個尺碼。

張敬軒近日為巡唱操肌，暫時只係減磅階段，仲未練出肌肉線條，呢日佢笑稱見到好多大隻佬在場，自己唔敢除衫騷肌，最終只係著小背心繼續唱歌。

講到代言樽裝水成為香港新手信，張敬軒都有留意，問到有粉絲因狂買而被海關扣查，張敬軒表示理解因水過關係有啲敏感，更自爆家中有珍藏留念，更語帶雙關表示未見過自己咁大支嘢。