《福祿壽訓練學院》學員Professor齊慶功 思捷曝開騷計劃 祖藍盼開拍新一輯

《福祿壽訓練學院終極對決》星期日舉行，最後由陶大衛奪冠成為一級榮譽生，經過4個多月相處激鬥之後，一眾成員同三位Professor齊齊現身慶功宴祝捷。成為雙料冠軍嘅 陶大衛 就指導自己瞓著都開心到笑，大家亦大讚 關嘉敏 （Carman）扮演嘅「痰輝智」演出一流，仲搞笑齊齊扮「輝智樣」。

Carman扮得似到輝智本人都喺社交平台祝賀，仲話自己邊睇邊笑到標眼水，而Carman同佢嘅組員，呢晚就向所屬一組嘅導師 李思捷 送上訂製禮物，導師思捷呢日仲話已經準備好同一眾組員齊齊開騷。

雖然節目暫告一段落，不過有參賽嘅多位成員都話玩得唔夠喉，仲話打算同本身已係網紅嘅成員再合作，可能會繼續有唔同形式嘅演出喎！

今輯節目口碑不俗 阮兆祥 同 王祖藍 對再辦新一輯就抱住開放態度，仲話台慶大家都一定會出現同大家見面呀！