獨家開箱丨陳展鵬佛山劇組小天地曝光 單文柔準備舒適環境迎接小公主

新劇《巨塔之后》嘅劇組移師佛山拍攝，為咗令一眾演員有更好狀態，佢哋都被安排舒適環境好好休息，我哋嘅主播 潘盈慧 就帶大家直闖到 陳展鵬 嘅房間開箱，點知展鵬一開門，阿盈就發現房入面有人，展鵬仲介紹對方先係房間嘅主人，就係佢太太 單文柔 。

展鵬帶大家參觀房內嘅廚房，因為好多時都會自己下廚，嚟緊暑假，仲會接小豬脾到當地。因為可以由媽咪整嘢畀佢食。Phoebe更話自己主要係負責饍食同照顧日常起居所需。嚟到睡房，喺通往主套廁所前，仲有一個小型衣帽間，Phoebe笑言會幫老公熨埋衫，形容自己係全能家務助理，不過佢哋夫婦話搞到間房咁舒適，其實都係準備暑假時候接小豬脾嚟住得舒服。

除咗期待暑假時可以一家三口遊佛山之外，展鵬同樣期待新劇中合作對手，包括未合作過嘅湯鎮業、鍾鎮濤，佢都話令自己突然再有團火。展鵬仲爆太太喺開鏡儀式上，不停問宣萱喺邊度。