未婚妻入獄李龍基周身飛來蜢 自稱重情唔受外界引誘

李龍基當日目送未婚妻 王青霞 罪成入獄之後，離開法院時哭成淚人老淚縱橫，相隔近半個月之後，呢日基哥再公開現身宣傳稍後舉行嘅演出，對早前澳門演唱會被主辦單位以主題嘲諷佢作宣傳，呢日佢就話滿意今次嘅主題「真情流淚」呀。

基哥又提到雖然外界近月因為未婚妻事件認為佢係「戲子佬做戲」，不過佢就重戲子先重情，不過又指唔會將自己負面情緒帶到演出喇。

呢日佢又提到，自從未婚妻入獄之後感情受到考驗，因為唔少女性埋身仲主動表示要成為女伴。而王青霞於獄中亦表達憂心，基哥就話自己呢一刻仍保持住對佢嘅真心真意喇。過往每次出現佢都同王青霞糖黐豆，不過而家就仲有幾年形單隻影嘅時間，基哥就指自己唔怕孤獨，會將集中力分散咁話。