區永權兒子肺炎入院 高燒至39.7℃勁心痛

有兩位公子嘅區永權Albert，今日（4號）突然喺社交平台貼出囝囝隻手插住靜脈注射針頭嘅相，原來Albert其中一位囝囝早前突然高燒入院，最初大家都以為係普通感冒，但即使按時食退燒藥都冇用，仲高燒到39.7℃，所以最終決定送囝囝入醫院。
區永權一家四口。
Albert喺帖文中表示：「醫生亦都迅速診斷出患上肺炎，需要留院診治！的而且確兒子病到入肺，但父母痛到入心，尤其對媽媽嚟講，好比切膚之痛！之前分開6日，猶如分開1世紀般，今次臥病在床，媽媽亦當然貼身照顧！」心痛囝囝之餘，Albert都心痛連日嚟貼身照顧囝囝嘅老婆，不過Albert呢個post係Latergram，所以Albert囝囝已經康復中，大家唔使太擔心喇！
區永權指囝囝早前因為肺炎而住院。見到阿囝病，區永權勁心痛。見到阿囝病，區永權勁心痛。