陳寶珠拒與七公主去旅行 大談照顧母親往事

深居簡出嘅陳寶珠(寶珠姐)為慈善現身，同友梅雪詩一齊呼籲關注照顧者，宣傳慈善粵劇匯演，現場仲有小朋友唱粵劇演出，令兩位前輩都睇得好投入，仲大讚小朋友嘅演出極致，寶珠姐同詩姐憶起同年紀時，只係好以一嚿飯一嚿雲咁。

言歸正傳講返關注照顧者嘅話題，寶珠姐分享照顧媽咪嘅往事，指媽媽患有哮喘，日夜要使用不同儀器及用葯，期間佢就出盡法寶氹媽咪配合，最有用嘅就係唱歌，當然仲要一路比啲愛心媽咪，佢仲記得媽媽好鍾意飲白蘭地，但年紀大不能飲太濃烈，於是溝啲水混入當中，估唔到媽媽竟然話咁啖口嘅？寶珠姐就話呢啲酒唔夠好。雖然照顧者嘅位置有啲辛苦，但對寶珠姐來講都係好有愛嘅記憶。

七公主下年60周年，薛家燕早前公開提議搞旅行慶祝，但寶珠姐聽到就一口拒絕話唔好，始終去旅行好麻煩，又要執嘢又要化妝，喺香港搞慶祝都可以好開心。寶珠姐認為七公主中總要有一個領導人出聲，自己係屬於被動形，有人發起就會參與，但不懂做主動。

七公主如何慶祝就有待揭曉，但梅雪詩即場踏入83歲生日，詩姐雖然未有透露會點樣慶祝，但祝願人人都身體健康，身邊嘅寶珠姐在旁就叫佢生日要請食飯。