打Jackie Chan名號開特技班行騙 成龍公司發聲明呼籲提防騙子

講起外國人最熟悉嘅華人明星，武打巨星成龍一定係其中一位，尤其喺外國人眼中，Jackie Chan幾乎等於Chinese Kongfu嘅代名詞。近日喺英國就有騙徒睇中成龍大哥嘅號召力，打住成龍嘅旗幟搞特技訓練班，搞到成龍公司要出聲明澄清，呼籲大家提防騙子。
成龍喺社交平台發出聲明。
呢篇全英文聲明寫到：「最近我們收到很多關於社群媒體上流傳「成龍特技訓練營 」課程的詢問，我們想藉此機會澄清，無論是成龍或者成龍特技團隊 ，在英國都沒有相關課程。請留意可能存在的騙局以及試圖模仿成龍，所屬公司以及特技團隊的人/組織，我們感謝所有給我們來信要求核實以及關心警惕的粉絲，我們亦會就不法行為採取行動。」
成龍呼籲大家小心被騙。