李海生設靈成龍致送花牌 錢嘉樂夫婦親自致祭表敬意

家人喺29號為海生叔設靈，喪禮採用佛教儀式，靈堂佈置莊嚴。海生叔一生為演藝事業出心出力，廣受各界敬重，成龍、錢嘉樂、湯盈盈、王祖藍、李亞男、譚俊彥、吳卓羲、樊亦敏、陳俊霆，以及《愛回家》劇組等人以及各界致送花牌放滿靈堂。

海生叔早前離世，家人星期日晚為佢設靈

圈中唔少朋友都以花圈致意

海生叔人緣甚廣，親友花圈擺放禮堂
錢嘉樂同太太湯盈盈親自致祭，盈盈面露不捨之情，嘉樂指跟海生叔甚有緣份，過去幾十年不論電影、電視界都有合作機會，佢又讚前輩為人好好，以往喺電影圈毫不計較演出惡人角色，好人角色留予其他演員出演，呢份精神令佢覺得一定要到嚟送別海生叔。

海生叔入行初期演出武打動作電影為主
錢嘉樂夫婦親自到場送別

太太盈盈跟海生叔喺《愛．回家》中合作，嘉樂話太太同姚盈盈都好有心，喺靈堂不停摺金銀衣紙，希望為海生叔略盡綿力。