李玟離世一周年 粉絲湧IG留言表思念

樂壇華語天后李玟上年7月5日因患抑鬱自殺離世，終年48歲，消息震驚娛樂圈，至今CoCo離開大家一年，唔少粉絲紛紛湧入CoCo嘅社交平台，喺CoCo 2022年12月31日最後嘅帖文入面，留言表達思念。

唔少fans湧入CoCo社交平台，喺佢最後一篇帖文留言。

「我知道，你在天上看著我們，多希望IG Story有你的update，好想，好想你，要當快樂的天使」、「一年過去了，真的好想你」、「滿一年了，當天使的妳是否快樂的唱歌，想你了」、「一年了，CoCo妳永遠活在我心中，忘不了妳的天使的笑容Miss You」等等，字裡行間都感受到CoCo歌迷對偶像嘅思念。CoCo台灣粉絲歌迷會嘅社交平台，亦換咗全黑大頭貼悼念偶像。
微博推出李玟特輯。
而微博亦於CoCo死忌呢日，獨家首播CoCo生平追憶紀錄片《天使的足跡》，同大家緬懷CoCo精彩嘅演藝生涯。
李媽媽亦有喺片中現身。唔少網民話見到呢個畫面即時淚崩。