一眾女藝人水著照派福利 邱晴火辣身材大解放

夏日炎炎，最好嘅消暑方法，就梗係去游水啦，一眾女藝人亦紛紛喺社交平台上載自己嘅水著照，向網民大派福利，張張相吸晴度都爆晒燈！
邱晴
好似而家24歲嘅邱晴，真係青春無敵，擁有32D上圍嘅Mandy，雖然被指身材勁過當年選美嗰陣，不過佢就強調自己嘅身材係純天然，今個月將推出寫真嘅Mandy，水著照真係睇到大家熱血沸騰，big爆嘅上圍、甜到漏嘅陽光笑容再加上支棒棒糖，問你頂唔頂得順呀? 
劉沛蘅Hillary
而有翻版薛凱琪嘅劉沛蘅Hillary，亦都上載咗一輯泳池水著照，著上棗紅三點式加白色長恤衫嘅Hillary，真係非常誘人呀。
余思霆
身材一向火辣嘅余思霆，當然亦唔吝嗇同大家分享佢美好嘅身段，思霆無論著邊款水著，都一樣咁殺食，有網民仲話好想同思霆一齊游水添呀。
胡倍蔚
豹嫂胡倍蔚雖然已經登五，但係著起三點式同樣咁吸晴，身形Fit爆嘅豹嫂，亦嚟個大解放，佢仲強調照片係手機直出，無任何加工，唔少網民都大讚豹嫂身形「好索」呀。

伍樂怡
相對張張令人流鼻血嘅水著照，Kelly伍樂怡就以唔同顏色嘅一件頭泳衣上陣，雖然性感度一般，但Kelly Fit爆嘅身材，加上一雙逆天長腿，依然係好有殺傷力。