爆泫雅10月嫁龍俊亨 經理人公司發聲明確認

韓國性感小野馬 泫雅 ，早年同師弟公開戀愛Dawn被解約，雖然之後相戀多年，不過最後依然無疾而終。今年初泫雅再突然無預警認愛韓團HIGHLIGHT(前名BEAST)嘅前成員 龍俊亨 ，估唔到喺7月8號，就驚傳兩人將會喺10月11日，於首爾小規模戶外婚禮場所三清閣舉行婚禮嘅消息。

「戀愛腦」泫雅突被爆出10月將同龍俊亨成婚

據指婚禮只會邀請雙方親友同熟人，又因為龍俊亨曾捲入鄭俊英偷拍群組嘅醜聞，再加上曾經同具荷拉有過一段戀情，所以令唔少泫雅嘅粉絲，對佢哋呢段關係都唔算太支持。有指佢哋因為拍拖呢半年，一齊面對好多負面新聞，令佢哋對彼此嘅愛更加堅定，所以先有共識走入教堂，而對於呢段婚訊，龍俊亨經理人公司表示：「確認後再發表聲明」。

龍俊亨近年捲入唔少負面新聞