陳家於香港從事戲院行業多年,高峯期曾坐擁17間影院,早喺1962年就喺銅鑼灣摩頓台建立首家新都戲院,3年後分別興建總統同百樂兩院,之後加上位於佐敦嘅快樂戲院等。
綽號「太子陳」嘅陳榮美1988年與生意合夥人合組新寶院線,到92年購入金聲、華聲、樂聲三間戲院後,全線共有17家戲院成為事業高峰。
兩間業內機構對陳榮美離世深感哀悼,指陳榮美為戲院業同電影界貢獻良多,德高望重,親切隨和,深受行業愛戴,佢嘅離世係香港戲院業同電影界嘅重大損失。又向其家人致以深切慰問。
據指喪禮將於7月19日於香港殯儀館設靈、翌日出殯。
登入後即可查看我的收藏
登入後即可查看瀏覽記錄