鄭俊弘何雁詩召開慈善演唱會 為天使綜合症籌款強忍淚水演出

鄭俊弘 同 何雁詩 早前公開2歲囝囝Asher患有天使綜合症，兩夫婦更發起慈善演唱會籌款，呢晚演出好多圈中朋友都有到場支持，好似 方力申 蘇永康 JW王灝兒 黎諾懿 汪明荃 薛家燕 以及SIXTERS嘅好姊妹 陳瀅 陳嘉寶 賴慰玲 蔡思貝 同 吳嘉熙 都有到場力撐。

Sisley仲大讚Step係一個好堅強嘅媽媽，而Liza姐亦大讚佢哋兩夫妻積極面對問題，並令大眾對呢個病有更深嘅了解，絕對係一件好唔容易嘅事，至於小方就話好佩服阿Fred同Step好有心去籌辨呢次嘅慈善音樂會，將愛嘅訊息傳遞開去。

音樂會上，梁詠琪聲音導航一封由天使家長嘅剖白信件，分享時Step身同感受強忍淚水演唱《You are my sunshine》，之後佢哋兩夫婦手拖手演唱《落入凡間的天使》，Step哽咽表示「就係因為呢班天使嘅守護，令到我哋好多不可能變成可能，成就咗今晚嘅演唱會，我哋會繼續抱住呢份信念，繼續囊未來嘅天使進發。」

事後Step同阿Fred都話演出時，一直強忍淚水，因為佢哋知道自己一喊就會不可收拾，所以都要按捺住自己嘅情緒。Step話囝囝喺綵排時，都有上台彈鋼琴同打鼓，仲話囝囝表現得好興奮添。而Step又透露自己開咗個網上平台《RAISING ANGELS》，專係拍一啲訪問片段，希望藉此幫助特殊需要嘅家庭。