大師兄感謝祭丨胡定欣黎耀祥玩落大閘經驗爆棚 陳山聰率廉政隊佛系參賽

《大師兄感謝祭》又嚟啦！陳山聰、蔡潔、張曦雯、羅子溢、林凱恩、鄭俊弘組成「廉政行動2024隊」大戰「巾幗梟雄之懸崖隊」胡定欣、黎耀祥、蕭正楠、陳楨怡、陳曉華、羅天宇、陳楨怡首次作客，獲祥仔同定欣提點，笑指交晒啲遊戲畀佢盡情玩。
羅子溢、陳山聰、張曦雯、林凱恩、蔡潔 同 鄭俊弘組成「廉政行動2024隊」。
巾幗隊好多成員都係《獎門人》遊戲常客，玩遊戲經驗爆棚，定欣最鍾意玩落大閘，陳曉華玩「彈遮遮」笑言係明燈，而廉政隊以佛系態度參賽，自信以平均年齡同體力佔優勢，陳山聰卻笑言自己老，主要靠演技，睇吓玩「以訛傳訛」可唔可以贏黎耀祥，蔡潔就對轉圈嘅遊戲有信心，皆因佢平時有做瑜伽。

「巾幗梟雄之懸崖隊」有：羅天宇、陳楨怡、陳曉華、胡定欣、黎耀祥 同 蕭正楠。
10月2號係山聰48歲生日，雖然山聰喺工作中度過生日，但山聰都有提早同一班老友食飯慶生，山聰就話阿仔冇咩表示，只係一齊食蛋糕同送吻，山聰笑指阿仔有唱生日歌，之不過就反過嚟叫壽星買玩具！
陳山聰陳曉華黎耀祥同胡定欣。