TVB資源推介會｜陳豪 黎耀祥率小生花旦強勢出擊 推廣來年多套劇集及綜藝製作

由TVB同上海翡翠東方傳播有限公司主辦《2025 TVB資源推介會》喺廣州隆重舉行，一眾小生花旦陳豪Mosses、龔嘉欣Katy、黎耀祥、陳山聰Joel、陳展鵬、劉佩玥Moon、姚子羚Elaine、陳自瑤YoYo、羅天宇Joey盛裝現身，推介TVB多套即將推出嘅重頭劇同綜藝節目。電視廣播有限公司商務營運總經理蕭世和先生同TVBC總裁彭明曄先生亦有上台致辭，而蕭世和先生亦宣布來年TVB會有新嘅營運方式，希望為客戶拓展更大商機。
《2025 TVB資源推介會》喺廣州隆重舉行。

陳豪
蕭世和上台致詞時提及到內地是TVB最大及最重要增長巿場，過往同視頻平台合作多套劇集而再度掀起港劇熱潮，2024年於紐約電視電影節中，獲得一金、一銅及兩獎項四個殊榮，其中同優酷擕手打造，由佘詩曼主演嘅《新聞女王》獲得「劇本組別金獎」，近日台慶劇《黑色月光》開播前，在優酷平台預約收看人數超過278萬人，開播後黑色狂潮席捲各大收視榜創下佳績。TVB亦擁有大灣區唯一兩條電視頻道，翡翠台及明珠台，2025年1月1日起，TVB會直接經營兩條頻道廣告業務，提供更多廣告投放方式。
龔嘉欣
推介會上播出多套重頭劇預告片，包括《非份之罪》、《金式森林》、《香港探秘地圖》、《奪命提示》、《巨塔之后》、《刑偵12》等，作為《香港探秘地圖》男女主角嘅嘉欣同祥哥都有親自介紹劇中看點。祥哥同時亦有宣傳自己同麥長青主持綜藝節目《江湖見》，實地帶大家遊覽金庸筆下嘅壯麗場景，走訪武俠小說足跡。
姚子羚劉佩玥
由阿Mo主演嘅《俠醫》尚未開拍，首度演中醫嘅阿Mo相當期待，仲準備好去學針灸，而阿Mo真實係來自醫學世家中長大，相信佢有咩都可以請教家人。山聰負責宣傳同阿Moon合作嘅《奪命提示》，身手不凡嘅山聰喺劇中除咗有大量打戲之外，竟然大爆同阿Moon有好多愛情動作場面，更笑言拍完後腰骨要唞足一年。而Yoyo有份參演林保怡相隔13年回巢拍攝嘅《刑偵12》，劇集經已煞科，但每次講起同Bowie合作，Yoyo都好回味，仲話喺對方面前自己變得好緊張，好似小妹妹一樣。

陳山聰陳展鵬