陳豪張曦雯群星現身北京盛會 黃宗澤獲補祝慶生感驚喜

陳豪、黃宗澤、張曦雯、王浩信、林夏薇、宣萱、楊茜堯、林保怡、張振朗、胡定欣、蔡潔、胡鴻鈞、陳山聰、高海寧、吳業坤、監製鍾澍佳、許紹雄、導演劉偉強，以及內地多位紅星關曉彤、羅晉、張彬彬、張雨綺、劉雅瑟、徐帆等一眾紅星，盛裝出席北京一個電視界盛會。

一批大家熟悉嘅香港電視圈藝人，齊集北京一個頒獎禮

陳豪同Kelly襯絕現身

仲有《黑色月光》代表王浩信同林夏薇
見到現場逼滿粉絲，陳豪同Kelly都好開心可以近距離同大家互動，而Benz雄獲圍觀者大叫「歡喜哥」，佢都話冇諗過大家咁鍾意呢個角色。佳導現身，當然被問到《新聞女王2》何時能夠同大家見面。
許紹雄大受現場觀眾歡迎

Bosco喺盛會上獲頒「港台區年度網絡最受歡迎男演員」，除咗攞獎好開心，Bosco仲分享喺會場獲大家送上驚喜，為佢補祝生日。Bosco回顧2024年，佢話最難忘係拍劇集《執法者們》時，踏足鑽油台取景，而下年工作都非常精彩，除咗參與《新聞女王2》演出，又會去一個未踏足過嘅地方取景，但暫時要保持神秘。

Bosco呢日獲大家驚喜補祝生日