楊茜堯孖宣萱兩代女神合體狀態大勇 觀眾期待TVB視后再合作拍劇擦火花

楊茜堯同宣萱兩大TVB視后喺內地現身一個公開活動，兩人不約而同以一身黑色晚裝打扮及同款簡約髮型亮相，茜堯同宣萱雖然有9歲年齡差距，但睇起嚟同真實年齡一啲都唔似，堪稱得上係凍齡美女。

楊茜堯同宣萱兩大TVB視后喺內地現身一個公開活動，兩人不約而同以一身黑色晚裝打扮及同款簡約髮型亮相。
茜堯同宣萱呢輯靚相流出後，大批網民湧入留言激讚兩位姐姐美貎，又稱讚茜堯同宣萱唔單只係兩大視后，更係現今兩大女神，好鍾意佢哋嘅呢個組合。事實上茜堯同宣萱真係好耐冇合作，所以呢次嘅相遇即勾起觀眾回憶，有網民聯想到兩人喺2006年合作拍攝劇集《賭場風雲》嘅情景，期待兩大視后可以再合作有新火花帶畀觀眾。

有網民聯想到兩人喺2006年合作拍攝劇集《賭場風雲》嘅情景。
好友難得共聚，茜堯上載照片留言：「有一種友誼是沒有常聯絡，沒有常見面，相見時卻無所不談...我們就是這樣，宣萱，謝謝你陪伴我度過愉快的晚上。」並附上多個心心emoji表達心意。

網民期待兩大視后可以再合作有新火花帶畀觀眾。
茜曉喺活動前一日，亦上載咗一輯同阿仔Eden慶祝3歲生日嘅照片，同老公羅子溢及女兒小珍珠度過咗愉快嘅時光，兩姐弟遺傳父母最高顏值，非常可愛，之後便馬不停蹄趕往內地工作。

茜曉喺活動前一日，亦上載咗一輯同阿仔Eden慶祝3歲生日嘅照片。