陳茵媺一拖三帶子女多倫多放暑假 貝安琪 Rosemary收起火辣做慈母陪玩

小朋友嘅暑假正式展開，好多家長都為子女準備好暑期活動，親子相信係不可或缺嘅一欄，圈中藝人包括陳茵媺、關心妍、陳山聰、張嘉兒、貝安琪同Rosemary等都紛紛開始陪子女放假。
陳茵媺
陳茵媺(Aimee)每年都會趁住呢個長假帶同3位子女返回多倫多探親兼度假，令大人同小朋友都有個好好嘅Relax時間，Aimee喺社交平台Po出同子女到一個農場享受大自然，小朋友們喺探索時仲嚐試餵羊仔，同小動物近距離接觸，又每人一手捧住大堆蔬果，滿載而歸，係一個好好體驗。相信令Aimee最冧豬嘅就係佢手上一束帶點雜亂嘅小鮮花，原來係3個仔女採摘混合送畀媽媽，令Aimee覺得好sweet。
陳茵媺帶三個小朋友親親大自然。陳茵媺帶三個小朋友親親大自然。
關心妍(Jade)亦一家三口共晉晚餐，賀女兒心心小二嘅成績考得優秀又咁乖，仲特意揀選咗囡囡最鍾意食嘅Pasta，見心心又滿足又開心，Jade透露即將會舉家赴溫哥華展開暑假親子之旅，唔少粉絲留言話心心又乖又叻女，叫佢繼續加油。
關心妍與愛女心心。
早前舉家回流溫哥華生活嘅港姐張嘉兒，亦Po出同餅印女兒嘅生活照，兩母女一齊喺藍天白雲下打高爾夫球，仲話小朋友都可以一齊參與，大人唔識打，亦都冇壓力，輕輕鬆鬆九個洞，仲要幾抵玩。
張嘉兒同女兒。
而貝安琪同Rosemary就喺炎夏一齊帶囝囝去主題水上樂園享受日光浴，見佢哋大人小朋友都玩得咁開心，天時暑熱，玩水的確係消暑最佳方法。兩位昔日嘅Model辣媽均收起身材以一件頭泳裝上陣親子，盡顯慈母一面。此外，陳山聰亦趁放假同老婆阿仔Jaco到泰國，享受一吓。
貝安琪同Rosemary。貝安琪同小朋友一齊去水上樂園玩。