郭珮文突然收起最強Body赴會戴公主后冠賀23歲生日兼收花

近日喺熱播劇《法政先鋒6倖存者的救贖》中不時見到港姐郭珮文 Juliana飾演嘉嘉嘅演出，劇中Juliana以一身專業嘅鑑證科造型上陣，主要面對余Sir黃宗澤演對手戲，雖然係佢首次參演劇集，但出街後反應都唔錯。

Juliana郭珮文輕露香肩同朋友慶祝23歲生日身材惹火嘅佢入行後有唔少演出機會

Juliana由去年選港姐開始，眾所周知佢擁有最強武器就係一副煞食身材，佢本人亦毫不吝嗇天賦本錢，經常會喺社交平台派福利。不過喺8月22日正正就係Juliana踏入23嘅歲生日，呢個咁重要日子佢反而收起性感，只係以一身泰山裝露出單邊肩膊嘅裝束赴會慶祝，見佢身處一間海景餐廳同友人共晉晚餐，而且仲收到同行女性朋友送上嘅一束鮮花，蛋糕上亦插上23數字蠟燭賀生晨，其中一張相更見到Juliana頭帶后冠仿如公主一樣。同屆港冠軍莊子璇、節目《福祿壽訓練學院》拍檔陳懿德等都有留言送上生日祝福。