梁超怡28歲生日嘆意大利Fine Dining 穿性感連身裙大騷香肩

2022年港姐季軍梁超怡卸任後，即被安排拍攝劇集《非常檢控觀》，跟住又有份主持節目《周六聊Teen谷》﹑《身體最誠實》等，噚日9月12號係梁超怡28歲生日，一向著重儀式感嘅佢，收咗三個生日蛋糕，同埋一個永生花兔仔，現場佈置以粉紅色同白色為主，充滿少女感。

噚日9月12號係梁超怡28歲生日。
梁超怡噚日喺IG貼出同朋友喺中環一間米芝蓮三星餐廳食生日飯，見佢享用意大利Fine Dining兼品嚐美酒，雖然佢啲朋友未有入鏡，不過見身穿白色露肩連身裙嘅梁超怡滿面笑容，摀低身吹蠟燭，又向鏡頭派飛吻，睇得出佢對生日驚喜非常滿意，而圈中好友楊埕、林秀怡、陳熙蕊、周志康、李芷晴及周吉佩等亦留言祝賀。

身穿白色露肩連身裙嘅梁超怡滿面笑容，摀低身吹蠟燭。