電影泉攻略丨《我談的那場戀愛》 網戀情騙 迎來最浪漫騙局 丨EP120

 王鎮泉Jeoffrey 每星期為觀眾提供最熱辣電影資訊，中外猛片專訪花絮上映時間全部集齊，「電影泉攻略」個個星期陪你睇新戲。

王鎮泉Jeoffrey 每星期為觀眾提供最熱辣電影資訊。
七龍珠40週年新動畫《七龍珠DAIMA》將會喺10月中首播，編劇及角色設計等細節皆由漫畫原作鳥山明親自創作，鳥山明老師之前講過「DAIMA」係日文代表邪惡勢力嘅意思。

本週新片速遞有《愛情城事》由李心潔、鄧麗欣、鄭秀文、劉冠廷、張震、鄭中基、林嘉欣及阮經天等15位金像金馬級巨星領軍，集結幾代演員獻給台北最動人嘅情書，講述十段唔同類型嘅「愛」與「情」。

《有詭難言》講美國夫婦帶女兒渡假出遊，沿途結識咗一個都係「一家三口」來自英國嘅家庭，英國家庭邀請佢哋一家去鄉村莊園渡假，待一切安頓好後終於露出狐狸尾巴，夢想假期演變成一場心力交戰嘅噩夢。

《我談的那場戀愛》講城中知名婦科醫生余笑琴喪夫數年，喺交友軟件邂逅網騙集團嘅李偉祖，其偽裝成中年喪妻嘅法籍石油工程師，令余笑琴沉醉於網上情緣，而李偉祖為笑琴製造浪漫嘅過程中，亦找到樂趣與滿足，兩個本來唔討喜嘅人，因呢場場由欺騙開始嘅網戀，正慢慢改變。

呢個禮拜嘅票房戰況，截至9月11號中午，第三位《紮職3》、第二位《異形：羅穆盧斯》、第一位《嘩鬼家族BEETLEJUICE》。