2024香港小姐競選｜候選佳麗到訪廣州拍節目 梁嘉莹 王汛文被評綜藝感十足

一眾2024香港小姐候選佳麗早前到訪廣州拍攝綜藝節目，又大玩遊戲兼Battle衣服配搭。初次拍攝綜藝節目，佳麗們都做足事前功課，而11號梁嘉莹（Emily）同3號王汛文（Candice）就成為佳麗口中最有綜藝感嘅佳麗。事關Emily緊張時會有好多得意嘅肢體動作，令大家覺得佢真得嚟又好可愛；至於Candice就有趣想法多多，令團隊可以一齊玩之餘亦變得團結。

3號王汛文、5號莊曉婷、12號鍾翠詩、14號楊梓瑤。10號吳芷靖、4號謝淑怡、11號梁嘉莹、15號俞可程、8號盧凱怡。1號陳紫佟
 
雖然大家都要節食Keep fit，不過「食在廣州」，嚟到呢個美食之都，佳麗們都會破戒。作為廣州地膽嘅8號盧凱怡一早就計劃好要品嚐咩好嘢食，除咗飲茶，佢就好希望帶大家食廣州地道雲吞麵。14號楊梓瑤就笑言，自己已經計劃好要點外賣宵夜。而年底最細嘅佳麗1號陳紫佟就帶咗唔少零食，不過佢就話自己冇咩時間食喇。
眾2024香港小姐候選佳麗早前到訪廣州拍攝綜藝節目。