謝嘉怡被狠飛傷心落淚 首拍內地劇集現身中央台

2020年由英國返港參加港姐成為冠軍嘅 謝嘉怡 ，當選後繼續佢嘅隨性生活，不時都會同家人愛犬郊遊，又毫不擔心會損手爛腳而學泰拳鍛鍊同參賽，更展開女性嘅健身同環保科技公司事業。

Lisa形象健康，不時都會遊走香港各區運動郊遊

佢仲曾參加泰拳比賽
多方發展嘅Lisa放低護士身份轉投演藝行業，年前曾經參與《不可能任務》、又加入過《愛．回家之開心速遞》劇組同參與《新四十二章》等演出，早前佢亦到台灣同一班拍檔拍攝新劇《武林》。
早前又同大隊到台灣拍攝《武林》外景

而去年原來Lisa亦低調拍攝咗一部內地都市愛情劇《燦爛的風和海》，扮演內地花旦 鍾楚曦 嘅閏蜜，同劇仲有另一女強人 李施嬅 演出，劇集去年底已經於網上同中央電視台播出，Lisa就對呢次初體驗覺得非常有趣，仲公開幕後拍攝花絮於自己嘅影片頻道，同大家分享，而拍攝當時父母同表妹亦都到場探班支持。

月前同鍾楚曦合作拍攝內地劇集

仲因為被狠飛而當眾落淚