2024香港小姐競選丨網上暫時票選三甲誕生 林鈓洧強調單身珍惜工作

選美界盛事《2024香港小姐競選決賽》將會喺15號晚舉行，15位候選佳麗努力備戰，呢日佢哋就聯同師姐黃嘉雯、林鈺洧同郭珮文喺電視城綵排表演項目。以淺灰色修身T-shirt上陣嘅郭珮文，同一眾師妹跳起扇舞上嚟婀娜多姿，相當吸晴。

以淺灰色修身T-shirt上陣嘅郭珮文，同一眾師妹跳起扇舞上嚟婀娜多姿，相當吸晴2號倪樂琳、10號吳芷靖同11號梁嘉莹。

而呢日大會仲宣布2號倪樂琳、10號吳芷靖同11號梁嘉莹，暫時係網上投選嘅「我最喜愛佳麗」嘅頭三甲。2號倪樂琳話喺宣布前自己相當緊張，一路諗會唔會有自己份，所以一當地黃嘉雯讀出自己嘅號碼時相當開心。而10號吳芷靖同11號梁嘉莹亦話聽到自己暫時成網上票選嘅頭三甲都好驚喜。

郭珮文、黃嘉雯同林鈺洧呢日同眾候選佳麗一齊綵排。郭珮文、黃嘉雯同林鈺洧呢日同眾候選佳麗一齊綵排。

見到一眾師妹排練，令黃嘉雯同郭珮文都勾起好多參選嘅畫面，而佢哋亦同揀選2號倪樂琳同11號梁嘉莹為心水佳麗，黃嘉雯話11號梁嘉莹小麥色嘅膚色好吸引佢，而郭珮文大讚2號倪樂琳雙眼好靚好吸引。黃嘉雯仲話有同一眾師妹分享，當年自己聽到現場響起港姐首歌時，即刻有種想喊嘅衝動。
黃嘉雯會喺表演環節中舞劍。

早前被傳出同錢慧儀前夫馬清揚傳出緋聞嘅林鈺洧，首度開腔直指緋聞係好深嘅誤會，澄清跟馬生純粹真係普通朋友關係，相識亦因為係佢履行港姐工作時，喺慈善活動認識，佢透露亦有認識其他朋友同食飯，事件亦令佢同異性友人怕咗相約食飯。現時單身嘅佢強調只想珍惜機會專心工作，唔會諗拍拖令自己分心。
林鈺洧回應早前嘅緋聞。