森林女王丨王敏奕重現劉艷不畏懼精神 何廣沛與何沛珈結森林情緣

王敏奕、何依婷、何廣沛、龔慈恩同何沛珈一齊為劇集式動物紀錄片《森林女王》進行配音，Venus喺神劇《新聞女王》入面嘅角色劉艷角色性格大膽，而今次喺片中聲演母獅，因為監製想突顯劉艷喺弱肉強食嘅世界入面，雖然遇到困難，仍然可以堅持，而今次母獅嘅堅持就係對仔女嘅愛。

唔好以為配動物紀錄片係輕鬆事，見到依婷配到七情上面激動落淚，佢話事前監製有同佢交待個故仔係點，而佢聲演嘅獵狗係遇到好慘痛經歷。所以要配合返故事而演繹。而廣沛今次聲演暖男狒狒同馬貫東聲演嘅領袖狒狒有千絲萬縷關係，原來片中佢仲同何沛珈聲演嘅狒狒有感情線，由於暖男狒狒好鬼馬兼鍾意唱歌，所以廣沛都要配合喺片中高歌。而何沛珈就一人分飾兩角，分別係狒狒媽媽同仔仔，佢就話媽媽聲線較難做，因為性校較斯文，唔似狒狒仔仔咁跳脫。