何廣沛36歲生日獲女友Sarah陪開工 羅天宇江嘉敏陳曉華捧蛋糕送驚喜

何廣沛近排忙住喺內地拍TVB新劇《金式森林》，劇情講珠寶業豪門家庭掀起爭產風波，適逢8月3號係何廣沛36歲生日，一班劇中演員輪流為壽星何廣沛慶祝，而圈外女友Sarah亦有做跟得女友，為何廣沛準備咗一個足球主題嘅蛋糕。

何廣沛指今年生日如常工作中渡過，感恩遇上這一家人感謝劇組的安排。

圈外女友Sarah為何廣沛準備咗一個足球主題嘅蛋糕，大曬甜蜜！

相中見何廣沛冧爆分享呢份喜悅，而蛋糕除咗有愛隊logo，更印有二人嘅甜蜜背影相，該相係早前二人去英格蘭入場睇曼聯比賽時所拍攝，難怪何廣沛讚呢個係「THE BEST cake ever」。 

圈外女友Sarah亦有做跟得女友，陪男友開工。（資料圖片）

同劇嘅羅天宇、江嘉敏、陳曉華、陳星妤及陳浚霆等，踏正12點亦突襲何廣沛嘅房間。

而同劇嘅羅天宇、江嘉敏、陳曉華、陳星妤及陳浚霆等，踏正12點亦突襲何廣沛嘅房間，捧住蛋糕畀對方一個生日驚喜，眾人企晒喺房門外，何廣沛房間內就似乎係女友為佢揸機全程拍攝，何廣沛則露出驚喜又尷尬嘅表情，女友亦有幫佢哋眾人影合照。

人緣不錯嘅何廣沛跟劇組上下相處融洽。郭晉安飾演方家二少，膝下有三子兩女，分別由何廣沛、陳浚霆、羅天宇、江嘉敏及莊子璇飾演。新劇《金式森林》今次劇情以珠寶業豪門家庭為背景，掀起爭產風波，何廣沛喺劇中演方家大少。