林柏宏新戲同男對手互摸下體 同黃宣年齡差距令眾人嘩然

林柏宏 同 謝欣穎 呢日聯同導演 廖明毅 黃宣 大飛 大元 等齊齊出席新戲首映。柏宏今次喺戲中飾演渣男，一腳踏三船，除衫騷肌之餘，同三位女演員都有親熱戲份，但估唔到嘅係，佢喺戲中最親密嘅演出，對手竟然係男演員大飛，柏宏話二人喺戲中為咗表達出關係好，要互相拍對方大髀，大飛就搞笑話，互相攻擊對方下體呢個動作，相信所有男仔都好熟悉。

歌手 黃宣 都有份演出呢套戲，拍攝過程仲意外發現佢同柏宏係中學嘅師兄弟，柏宏現場叫大家估下邊個係師兄，邊個係師弟，欣穎同大元竟然即場俾考起，得知真相後仲大讚師兄保養得好好，師兄當然笑得好開心，至於師弟就好受傷啦！