曾寶儀新戲雲集港台巨星秘訣係面皮厚 劉冠廷被鄭秀文天后氣場震懾

由曾寶儀擔任監製嘅新戲，集合港台多位重量級演員包括鄭秀文（Sammi）、鄧麗欣、張震、阮經天等，分別演出唔同單元，再由搖滾天王伍佰飾演嘅送報員，穿梭於大街小巷，串連起呢10個故事，當中最受關注嘅一定係天后Sammi同台灣演員劉冠廷嘅合作，呢日新戲舉行首映，冠廷亦有分享同Sammi合作嘅感受，佢話Sammi天后氣場強大，不過非常專業，所以自己雖然好緊張，但受到對方感染，大家非常投入角色。
曾寶儀擔任監製嘅新戲，集合港台多位重量級演員。

同樣有份演出新戲嘅黃宣，今次仲同Sammi合唱電影歌曲，佢話當初膽粗粗邀請Sammi合唱，冇諗過天后真係答應，所以覺得既興奮又榮幸。
鄭秀文
阮經天今次演出李心潔執導嘅單元，同影后林嘉欣飾演一對，仲有唔少親密戲份，本身小天同嘉欣已經係第三次合作，所以默契不在話下，二人事先都會充分溝通，所以拍攝過程非常自然。
鄧麗欣 與 台灣資深演員蔡振南。
戲中其他組合一樣好吸引，好似張震會同鄭中基攜手搞笑；台灣資深演員蔡振南就會同鄧麗欣對戲，可以一次齊集咁多影帝影后級巨星，監製曾寶儀就話秘訣好簡單，只要面皮夠厚就得啦！