馮允謙公開養聲秘訣 雲浩影為keep fit自備食物

馮允謙Jay 同 雲浩影Cloud 日前出席品牌120週年嘅電車遊，眾人由銅鑼灣電車廠出發，沿途二人不斷向路人揮手，Cloud 仲向大家派心心，引起在場fans尖叫。
雲浩影同馮允謙出席品牌電車遊。
首次坐電車遊嘅Jay同Cloud都非常興奮，Jay笑言自己好少喺呢個角度去望香港，感覺好新奇，加上沿途見到唔同歷史嘅建築物，感受到歷史文化帶嚟嘅溫度同親切感。而Cloud亦表示：「呢架電車真係好靚，呢種嚟會場嘅方法真係好有儀式感，可以用一個咁特別嘅方式同fans 見面，好熱鬧，感覺好溫暖、好窩心。」
馮允謙分享養聲秘笈。.jpg
講到平日養聲同表演前嘅準備，Jay同Cloud都話：「暖心溫度非常重要！」Jay仲分享個人養聲秘訣：「平時會喺屋企用保溫瓶焗陳皮羅漢果水，可以養聲，表演嘅時候就可以展現最佳表現。」而Cloud就指水份對女士好重要！佢平時除咗會自備暖水周圍去外，為咗健康同 keep fit，仲會自己準備食物帶出街。
cloud話平時一定會帶水出街。