容祖兒再於澳門開騷唱足12場 騷長腿熱舞深情唱《九秒九》

容祖兒 繼去年於澳門連續演唱6個周末之後，新一輪駐場演唱會星期六晚起再次於澳門舉行，Joey嘅《容祖兒Eternity演唱會2024》正式展開。

今次第二季演出，Joey同製作團隊為編排唔同歌單以及舞台效果，令歌迷更投入到演出氣氛之中。

祖兒新一輪溪澳門駐場演唱會開鑼

呢晚一開場，祖兒就激情獻唱《一種永遠》，之後接連獻唱多首經典金曲，好似《最後的茱麗葉》、《東京人壽》、《桃色冒險》等炒熱全場氣氛。之後佢又同一眾舞者展開快歌環節，大展精湛舞技，歌迷聽得心花怒放一齊大合唱。Joey之後又熱唱《Pretty Crazy》、《隆重登場》等勁歌熱舞，將全場氣氛推到高峰。

整晚氣氛高漲，Joey快慢歌全部有齊

愛錫歌迷嘅Joey呢晚亦深情演繹熱播全新單曲《九秒九》，最後又以連串抒情串燒金曲為夢幻演出作結，更同全場觀眾一齊大合照。