《福祿壽訓練學院》啟發一眾學員嘅扮嘢潛能,為觀眾帶嚟驚喜, 關嘉敏 吳兆麟 同 葉泓聲 呢日就作客 薛家燕 嘅電台節目,扮譚輝智獲一致好評嘅Carman話而家出街時,大家都叫佢做輝智,反而輝智就變成Carman,佢都期待兩人能夠同台演出。
佢仲話《福祿壽訓練學院》啟發咗學員更多嘅可塑性,Alan都話成個過程有好多得着,Gordon話好開心聽到家燕姐話嚟梗搵埋佢哋演出。
扮嘢真係會扮上癮,Carman睇到好多人話佢似張智霖,佢都希望有機會可以扮吓Chilam。另外,Gordon講到阮兆祥有提到吓,希望一班學員繼續扮嘢延續落去,或者會一齊做節目,呢個消息令佢哋一眾學員都非常之期待。
登入後即可查看我的收藏
登入後即可查看瀏覽記錄