譚輝智生日會獲妹妹獻聲 初見拉姑老公鬍鬚Kong讚有威嚴

譚輝智自《中年好聲音2》至今一直人氣不絕，日前佢首次跟歌迷會聚會兼慶祝40歲生日，咁重要嘅日子，歌迷會永遠榮譽會長拉姑狄波拉又點會唔在場，佢仲帶埋老公鬍鬚Kong出席，兼且送出雙人泰國機票畀歌迷會抽獎。

譚輝智自《中年好聲音2》至今一直人氣不絕，日前佢首次跟歌迷會聚會兼慶祝40歲生日。
輝智喺派對上見到全場超過三百位粉絲及家人，既興奮又感觸，佢喺台上答謝拉姑一直鼓勵，仲話記住拉姑每句說話，包括拉姑話自己生日同輝智生日好近，所以輝智特登準備咗一個蛋糕畀拉姑，仲邀請埋拉姑上台一齊切蛋糕。

歌迷會永遠榮譽會長拉姑仲帶埋老公鬍鬚Kong出席。
雙眼通紅嘅拉姑話自己七十幾歲，未見過有一個人咁短時間內獲咁多人支持，佢自爆被家人同朋友笑佢癲咗，連老公都要嚟睇吓輝智真人有咩魅力咁厲害。 

輝智喺台上答謝拉姑一直鼓勵，令拉姑好感動。
年中舉行個唱時，輝智曾想邀請妹妹Tawny擔任嘉賓，可惜慘食檸檬，不過今次生日會終於圓夢兄妹合唱，Tawny歌喉獲全場掌聲，台下不停叫Encore，連輝智也指Tawny是否應該唱多啲歌畀大家聽。身為《中聲2》好兄弟嘅古淖文，現身祝賀輝智外，當然要上台合唱，兩人喺台上勁歌熱舞掀起全場氣氛。

輝智特登準備咗一個蛋糕畀拉姑，仲邀請埋拉姑上台一齊切蛋糕。
初次見到鬍鬚Kong，輝智大讚Uncle Kong有機長嘅威嚴，又指拉姑好有眼光。講到生日願望，佢話到咗40歲，心態亦有所改變，有別於以往只諗自己，而家會希望一對仔女及家人都健康開心。