大姐明約訓練班同學飯聚 郭鋒張淑儀現身大啖佳餚

沙姐 林建明 近年一有時間就會約同當年邵氏訓練班嘅同學共聚，呢班1972年一齊投入演藝世界嘅老友超過半世紀友情不變，好似呢日就約埋久未露面嘅 張淑儀 郭鋒 連炎輝  胡楓 羅蘭 同當年嘅明星御用攝影師 梁海平 一齊嘆由 莫如歐 親手烹製嘅豐富佳餚喇。

大姐明又再約同一眾好友共聚，後排右一係早年婚後引退嘅張淑儀張淑儀當年與前夫鄧永鏘婚後育有一子一女

大姐明出Post仲大讚話：邵氏訓練班同學又聚餐啦，還邀請特別嘉賓們一起試菜！同學莫如歐 /咖喱王子/大廚上身，一人炮製全晚菜式.大家都食到舔舔脷，拍晒手掌！
特別鳴謝：連炎輝先生！打攪晒！

大廚莫如歐呢晚包辦各樣菜式，郭鋒呢日亦精神十足

大姐明唔止將花膠鮑魚龍蝦等美味同大家一齊分享，最重要就係同當年訓練班同學以及《歡樂今宵》EYT拍檔共聚，而早喺1983年就嫁予上海灘老闆 鄧永鏘 自幕前引退嘅 張淑儀 呢日亦罕有現身，同一眾老朋友共度歡樂時光。

一眾好友認識逾半世紀，不時同聚