周殷廷為應屆DSE考生打氣 分享經驗鼓勵勇於接受失敗

今日就係應屆DSE放榜嘅日子，放榜前夕一眾考生心情難免緊張， 周殷廷 呢日就化身做應援團團長，以歌聲為佢哋打氣。Yan Ting鼓勵大家失敗係必經過程，只要由失敗中汲取經驗，一定有成功嘅ㄧ日。

面對一眾考生，Yan Ting亦勾番起當年自己放榜嘅心情：「我放榜嗰一刻係非常非常緊張，之後去到一個位就會放棄自己，就會覺得算啦！聽天由命啦！死就死啦！但我想同所有考生講，結果已經定咗了，即使差，重點係如何令失誤唔好繼續落去。」

而家係自由身嘅Yan Ting，雖然同唱片公司已經約滿，但雙方都有傾嚟緊要點樣合作，Yan Ting話自己目前嘅目標只有一個，就係要踏上紅館開騷，所以現階段只會專心往目標努力，其他嘢都暫時唔會理住。