DSE放榜丨張崇德囝囝考獲5*佳績鍾柔美詹天文齊為考生打氣

今屆DSE終於放榜，一眾考生都已經收到成績單，而張崇德同劉美娟嘅囝囝張日希亦係應屆考生，張崇德喺社交平台分享咗一張印有「5*」嘅成績單，再寫上『這幾個月來我一直問我個仔，「快要考DSE了，你怎麼不溫書、整天都在看電影的呢？」他說：「識晒, 不用溫的了！」我說：「你再讀一下不是會好一點嗎？」他說：「再讀就會唔識！」這樣的對話重複了很多次, 我一直也有點懷疑, 怎可能不用溫書去準備考DSE的呢？今天放榜了，原來他是對的, 他真的不用溫書的』。

已經高過媽咪嘅日希考到5*成績張崇德喺社交平台分享喜訊

其實夫婦兩人曾經透露囝囝日希同囡囡日晴都患有罕見嘅「選擇性失語症」，曾一度喺學校唔出聲，令人誤會係無禮貌。仔仔日希病情就較妹妹嚴重，不過佢亦被診斷為高智商。兩兄妹經過父母悉心照顧，經已完全康復，如今見證日希取得佳績，相信係崇德同美娟最好嘅禮物。