獨家丨詹天文哽咽感謝粉絲支持 盼可於更多舞台上演出

聲夢小花 詹天文Windy 喺3月2號迎來19歲生日，佢就同fans一齊開咗個生日會，就連Windy嘅媽咪亦都有到場。

詹天文日前同Fans開生日會，Windy媽咪亦有參與
講到生日願望，Windy表示想食極唔肥外、可以有更多好嘅音樂作品帶畀大家，同埋可以上更多嘅舞台而且越做越大，而除咗想喺音樂路上做到極致外，Windy仲希望可以開始做gym練馬甲線。
呢日佢仲許下願望，希望音樂上有更大發展，最重要係食極唔肥呀

為咗回饋fans們嘅支持，Windy就比照小型演唱會規模，帶埋dancers嚟為大家送上勁歌熱舞。有好多fans由Windy 15歲比賽時就開始支持佢，大家關係親如朋友，Windy呢日就借機會多謝大家，講講下仲一度哽咽。事後Windy就話好感恩好多fans係由《聲夢傳奇》第一季就開始支持自己，如果唔係有大家嘅支持，佢都唔會可以行到而家，所以無論係邊段時間開始支持自己都好，佢都好感恩有大家。

呢日慶祝之餘，Windy亦為一直支持自己嘅Fans載歌載舞