周吉佩盼與吳業坤合作新歌 誠邀對方下月到塞班島度生日

周吉佩 同 吳業坤 呢日一齊舉行新歌發布會，佢哋嘅粉絲將成個會場塞滿，吉吉為大家帶嚟未曝光嘅全新跳唱快歌《GUTS》，令現場氣氛熾熱，而坤哥則獻唱新歌《愛情求生案內書》。

吉吉現場公開唱跳新歌
吉吉話為咗呢次跳唱，自己連日嚟都同dancers們不停排舞，所以上台演出時嘅信心都好咗，但係都仍然會緊張。吉吉又指一直以嚟都想做一隻Dance funk嘅歌，寫歌時已經有好多跳舞嘅畫面，佢話本身自己唔諗住跳舞嘅，但為咗要燃起大家嘅情緒，吉吉話最後不得不跳呀。
仲話創作新歌時已經有唔少跳舞畫面喺腦海

至於問到坤哥幾時會做一首快歌？求生欲滿滿嘅佢即刻話唔好，又話知道自己係走深情路線先夠殺食，所以唔考慮快歌喇。
坤哥就認為自己要繼續深情路線發展喇

坤哥同吉吉10年前同屬一間唱片公司，但當時佢哋就未有機會合作，而家再聚埋一齊，坤哥就提議同吉吉一齊搞個音樂節目，揀住吉他去旅遊，而吉吉就話好想同坤哥合唱，仲話自己好鍾意對方溫婉嘅聲線，搞到身邊嘅坤哥即刻擺出害羞表情呀。
佢哋過往已經曾同屬一間唱片公司，吉吉呢日就指想同坤哥合作喇

下月就會同吉S粉一齊去塞班島慶祝fans club成立兩周年，吉吉透露到時會有一個小型見面音樂會，喺沙灘同大家chill住唱，佢笑言重點係呢個trip太太唔會同行，吉吉又邀請坤哥一齊去，仲話當慶祝坤哥生日，所有團費由佢畀呀。

吉吉又提議請坤哥參與遲啲嘅Fans旅行團，當為佢慶祝生日呀