詹天文快閃香港打卡生日大屏 歌迷會買內地四市廣告板祝賀

詹天文Windy 3月2號就要迎嚟19歲生日喇！雖然佢目前喺廣州讀書，少咗時間留喺香港，不過一班好錫佢嘅歌迷就為佢準備咗好有心思嘅生日禮物。
 3月2號就係Windy嘅19歲生日。Windy日前專登快閃返嚟香港，去廣告LED前打卡。
日前Windy歌迷會出Post，宣有佢哋為Windy喺內地四個城市：深圳、廣州、 長沙、 武漢喺商場買咗五個巨型LED生日廣告，慶祝佢嘅19歲生日之餘，仲可以令更多人認識到Windy！Windy亦有轉發帖文，並表示：「謝謝，好有心。」亦加上藍色心心同哭哭emoji，多謝一眾粉絲愛戴之餘亦好感動得到大家嘅愛啊！
 難得返港，Windy當然要同一眾fans影相留念啦！
其實Windy歌迷會唔只準備內地嘅大屏廣告，喺香港都有投放呢份生日驚喜，早前Windy亦快閃現身北角生日大屏打卡，令大家都好開心，而香港呢個生日大屏由2月中開始一直到3月3號，香港嘅Windy粉絲唔好錯過喇！
歌迷會喺多個城市都有買廣告位。Windy被感動到