《中聲3》錄影突擊補祝肥媽生日 慶祝聚會一直到下月初冇得停

《中年好聲音3》呢日錄影，不過現場嘅台前幕後就其實一早夾好晒，將中聲舞台變成肥媽生日會現場，為2月18號踏入71歲嘅佢補祝生日，而事前毫不知情嘅肥媽，自然係非常錯愕喇。

呢日《中聲3》錄影原來早早預備好為肥媽慶祝
當現場選手推出蛋糕，加上樂隊演奏生日歌，肥媽亦一面笑意踏上舞台，同20強選手、嘉賓 陳曉東 同一眾評判拍檔齊齊切蛋糕，加上現場一眾觀眾嘅祝賀，令肥媽非常開心，佢亦話祝全場朋友都身體健康，大家繼續支持《中年好聲音》呀。
早已開始連串慶祝活動嘅肥媽，仲話先前已經被大家驚喜過一次

事後肥媽同大家一齊受訪，就指完全估唔到大家會繼續為佢慶祝，而連日來慶祝聚會已經冇停過，仲會各路好友已經約到3月初喇。
而一連串聚會原來已經安排到3月初喇

而日前黑妹姐已經為肥媽秘密安排為肥媽安排驚喜派對，仲有晒主題要中式裝扮，開心到佢不得了呀。再次出現喺《中聲》嘅東東，亦獲肥媽力讚，非常希望佢多多參與評審工作呀。