劉洋胖虎如餅印同愛高歌 爆韋綺姍私下深圳助練習

火鍋店老闆 劉洋 來港參加《中年好聲音3》越戰越勇，唔止海選時已經以澎湃雄厚聲線順利入圍，而比賽期間亦曾直接晉級同得過5燈佳績。一直以優異成績過關斬將嘅佢，連合唱表現都一樣非常傑出，佢同郭偉倫喺導師分組賽合作《想說》就勇奪92分佳績，成功晉級之餘更成為MVP。

劉洋來港參加《中聲3》，海選時已技驚四座
不過評審 周國豐 就公開一張劉洋同技安aka胖虎嘅合照，仲提到話係劉洋社交平台嘅頭像，佢話一早已經覺得劉洋似十足，但係估唔到越睇越似，仲同樣都非常鍾意唱歌，不過劉洋同胖虎，一個係噪音；一個就美聲，呢樣就有好大分別喇。
周國豐公開劉洋社交平台頭像，話佢同胖虎非常相似喎

劉洋喺社交平台提到，要感激唔少人令自己可以一步一步由海選晉身24強。佢指今次來港參賽心情非常忐忑，亦結識唔少至同道合嘅朋友。劉洋仲話韋綺姍甚至為方便佢哋練歌，私下同隊員去深圳指導大家練習，喺香港時又為選手調整訓練時間以專業歌手標準塑造大家。
劉洋仲話導師韋綺姍曾私下到深圳為大家拍導練習

雖然劉洋外形高大又霸氣十足，不過一放低咪唔唱歌時就會溫柔微笑，反差極大。佢逐位感謝戰友同幕後人員，好似合唱時嘅好拍檔郭偉倫亦有到深圳陪同練習，更打開屋企大門歡迎同學一齊練歌。黃博練歌時就會為大家彈琴演奏，非常有愛。
佢非常感激一眾戰友同幕後人員嘅協助

《中年好聲音3》星期日晚 20:00 翡翠台