中年好聲音3｜劉洋勇奪97分小鳥變雄鷹 林立峰遭淘汰愛妻本性盡現

《中年好聲音3》24強晉身20強淘汰戰，以《我是一隻小小鳥》出戰嘅劉洋，獲得97分超高分成績，成為全晚之冠，亦係《中年》系列有史以來第二最高分數，同上一輪一樣得97分嘅 陳芷盈 平起平坐。

劉洋澎拜雄厚嘅歌聲令佢最進一步，而獲得97分佳績
向來聲線雄厚的劉洋，以時而輕柔、時而澎湃嘅狀態獻唱，成功感動觀眾同評審，獲得如雷掌聲同一致好評，張佳添仲忍唔住話：「我又有四個字送畀你，大將之風，你係own咗呢隻歌，呢個係你嘅版本。呢首係好需要技巧嘅歌， 但你畀我覺得你唔係炫耀緊你個技巧，而係一路畀緊驚喜我。」肥媽亦都話：「佢係真係由一個地上嘅雀仔，飛到去變成一隻大嘅鷹。」黎瑞恩更直言：「我頭先唔覺得係比賽，直頭覺得係一個表演，佢做到說唱嘅感覺。」

賽前曾笑言劉洋似足胖虎嘅周國豐，亦指出歌曲同劉洋係perfect match：「懂得收斂咗，有鋪排，你唔單止唱緊情歌，你仲唱埋你嘅人生。」
評判亦對佢一致好評

而被視為比賽熱門之一的占士丁丁選唱英文歌《Hello》，不過母語獻唱反而不及之前獻唱《李香蘭》表現，肥媽同小恩子更搞笑地引發爭拗，而另一位引發爭議嘅，係獻唱《活得比你好》嘅阮慧珊，雖然肥媽同小恩子都讚賞，不過周國豐就未滿意佢嘅演繹：「你個版本我係唔鍾意，我亦都覺得呢隻歌唔係好啱你唱。」

占士丁丁英語演出竟被未及《李香蘭》
經過6輪單對單PK後，李金凱隊同占士丁丁隊打和，需各淘汰一名成員，最終李金凱隊淘汰獻唱《兒女》嘅林立峰，占士丁丁隊就淘汰獻唱《稱職》嘅宗倩如。
雖然林立峰行人止步，不過佢愛妻程度就滿分，選唱《兒女》亦因為太太愛翻煲《金枝慾孽》：「我老婆翻煲 《金枝慾孽》翻咗五、六次。之後我就問佢做乜成日睇勾心鬥角嘅戲，點知當我企咗喺個電視前面5秒鐘，我就畀佢啜實咗，我唱呢首歌時代入咗(自己係)太監。」
林立峰雖然被淘汰，不過佢嘅體貼就獲大家稱許

發表淘汰感言時林立峰再盡展愛妻之情，令在席嘅太太哭成淚人：「我要多謝我老婆，每一次練歌佢一定喺 我隔離，佢會堅持喺我隔籬唱和聲，其實佢唔識唱和聲嘅，佢一直唱緊第二首 歌，但我都多謝佢，多謝你！」
於現場嘅太太亦非常感動

《中年好聲音3》星期日晚 20 :00 翡翠台

參賽者爭取殺入20強