中年好聲音3丨李金凱獻唱《當年情》意義重大 伍樂城 黎瑞恩不忍淘汰選手

《中年好聲音3》賽程經已進入白熱化階段，將會上演24強淘汰賽，分兩集進行一對一團戰，兩隊落敗嘅隊伍各自有兩位成員被淘汰，嘉賓評審伍樂城同黎瑞恩有份挑選20強人馬，佢哋都話有啲唔忍心洶汰選手，正如伍Sir話佢知道有啲選手係唱得好，只可能係緊張而影響整體表現。小恩子話當然最想係Happy Ending，但要尊重賽果無辦法，相信選手吸取咗經驗會再進步。
《中年好聲音3》進入白熱化階段。
上一集嘅MVP李金凱同Dan James各自帶主六人小隊出戰，李金凱彈結他獻唱《當年情》，唔單止感動自己，連到嚟觀戰嘅林漪娸同韋綺姍都被感動，而李金凱揀唱呢首歌，背後係有感動嘅原因，因為佢話好多人覺得無咗雙手，日常點生活，但佢經已學會所有日常嘅生活技能，但當每次見到肥媽及婉婉嘅時候，佢就有個遺憾，因為未能擁抱大家，只能等待被擁抱，所以佢就揀咗呢首歌唱出「擁着你」去擁抱大家。
李金凱揀唱《當年情》嘅原因好洋蔥。李金凱揀唱《當年情》嘅原因好洋蔥。

任永健代表李金凱戰隊嘅下弦選手出戰，而之前任永健嘅表現已經有啲唔穩定，尤其喺拍子上經常出現問題，不過佢無因為失準而放棄挑戰自己，反而首次挑戰跳唱出戰，佢話好開心能夠好輕鬆去做回自己，同時亦對自己有交代，因為自細好想似郭富城一樣喺舞台跳唱，但一直未有機會，所以今次能夠喺《中聲3》舞台圓夢。
小恩子話唔忍心淘汰選手。

被網民認為實力同外型都不錯嘅趙浚承不時會因為太過緊張而影響表演，呢次表演都出現手心冒汗，佢話事後返到後台仍然係好緊張。

趙浚承成日因為緊張而影響到演出。