劉芷君備戰公開試直認緊張 選修企業管理或演藝學科

Aster劉芷君 擔任商場Busking表演嘉賓，為咗令捧場嘅歌迷聽到好歌，Aster悉心挑選同編排歌曲種類同次序，見到現場有不少途人駐足欣賞，佢都覺得非常開心。

Aster劉芷君呢日參與商場演出，事前更落足心機安排
嚟緊佢就要應考公開試，Aster都話努力備戰中，雖然老師預測佢有足夠能力入到報考學科，但Aster表示仍然會努力溫習，因為想取得更好成績。講到報考大學學科，佢話已經報考咗企業管理，除咗商科之外，佢都有意報考演藝學科，Aster解釋報考商科係覺得推銷產品係需要有創意，而呢種挑戰相當有趣。

即將面對公開試嘅佢，指對考入心儀學科有足夠信心