李施嬅回復單身生日不孤單 獲「胡說八道會」姊妹暖心慶祝44歲生日

李施嬅（Selena）早前突然宣布同訂婚四年嘅健身教練車崇健分手，消息令大家感到非常愕然。日前李施嬅迎接44歲生日，雖然係首個回復單身嘅生日，但李施嬅一啲都唔孤單，因為有一班愛錫佢嘅朋友同好姊妹輪流為佢慶祝。

李施嬅迎接44歲生日，雖然係首個回復單身嘅生日，但李施嬅一啲都唔孤單。
「胡說八道」成員胡杏兒、胡蓓蔚、胡定欣、黃智雯，最近就同茹素多年嘅李施嬅，去一間素食私房菜餐廳飯聚兼慶祝生日，李施嬅今日分享Vlog，可見五位食到舔舔脷，杏兒仲連一滴汁都不留。李施嬅開心分享：「學Nan話齋，如果日日有chef煮這樣的菜式，真係可以日日素食超開心！」到咗飯局尾聲，Selena獲壽桃慶祝，又有姊妹們齊聲唱《祝壽歌》，場面溫馨熱鬧。

一班愛錫施嬅嘅朋友同好姊妹輪流為佢慶祝。
至於杏兒就分享多張姊妹合照同美食圖並配文：「HaPpY BiRtHDay S 🌸 祝您身體健康，繼續做自己喜歡嘅事！多謝您帶我哋食一餐好好食的素菜！大家都要開開心心！ 」杏兒多謝豹嫂準備一個別出心裁，寓意各位「由頭閃落尾」、「2025蛇年有運行」嘅閃粉蛋糕。

杏兒分享多張姊妹合照，多謝豹嫂準備一個別出心裁嘅閃粉蛋糕。