黎瑞恩考旅遊巴牌努力增值 夢想開「老人樂園」讓長者安享晚年

黎瑞恩（小恩子）2月18日生日，佢早前接受電台錄音訪問獲贈生日驚喜，小恩子許願及切蛋糕後，指生日願望係和和平平、大家開開心心，最重要身體健康，而一對仔女就唔使特登買禮物，皆因而家都係用佢啲錢買，等仔女賺到錢先買。

小恩子透露下半年會四出登台，又會開演唱會同舞台劇，笑言係驛馬星動。
小恩子透露下半年會四出登台，又會開演唱會同舞台劇，笑言係驛馬星動，眾所周知小恩子熱衷行善，從細受父母及老師教導，擁有一顆善心，認為幫助他人係理所當然嘅事，亦有一個宏大願望，就係建立一個「老人樂園」，讓長者安享晚年，希望啲老人家同朋友一齊生活，得閒跑吓步、游吓水，又有職員睇住。

小恩子去年舉辦演唱會，更邀女兒擔任個唱嘉賓，今年佢亦有計劃再開騷。
小恩子解釋呢個構思係唔知邊到睇到個老人村，大家又唔想老咗打擾啲仔女，佢就想同成班朋友一齊老，小恩子曾提議同朋友去泰國起間屋，每個人有獨立房。

經常周遊列國嘅小恩子，本身擁有私家車及電單車牌，而家仲考旅遊巴牌。
經常周遊列國嘅小恩子，本身擁有私家車及電單車牌，而家仲考旅遊巴牌，小恩子解釋因為有架好大嘅旅行車，其實用私家車牌都揸得，但佢想再揸架大部啲，所以要考旅遊巴牌。 

黎瑞恩早前接受電台錄音訪問獲贈生日驚喜。