謝霆鋒3場演唱會門票 開賣半小時火速售罄

謝霆鋒 4月尾就會喺啟德主場館舉行3場演唱會，早前官方公布詳細資料後，唔少人都期望一睹霆鋒相隔廿年再重踏舞台，兼且見證場館首個演唱會嘅誕生，網上更傳出門票炒至十多萬癲價。三場門票今日(19號)中午正式公開發售，唔少觀眾都透過指定網站同電話搶飛，主辦亦限制每人只可購買4張門票。

霆鋒4月舉行嘅演唱會，門票一開售當個鐘就被掃清光
不過當門票正式開賣，網站就一度因太多人登入而塞車需要等候，而喺大約半小時左右，部分票價門票已經售罄，就算其中有門票顯示「少量」嘅位置，但結果都係無法選購，之後網站更貼出門票全部售罄告示。

期間仲因為太多人爭搶，搞到網站大塞車