華納歌手大曬冷開家族騷 陳蕾 洪嘉豪 MC張天賦組男女團玩跳唱

Dear Jane、陳蕾、洪嘉豪、MC張天賦、Gareth.T湯令山、Gigi張蔓姿、Kiri T、moon tang、Zpecial、Lewsz、Nancy Kwai歸綽嶢、Gordon Flanders 等12組歌手日前舉行拼盤演唱會，由於演出歌手都係同屬一間唱片公司，所以呢個騷就同唱片公司嘅家族騷一樣，非常熱鬧。 

華納歌手集合開騷

首先打頭陣出場嘅係陳蕾 、MC、洪嘉豪、Dear Jane合唱《妖治時代》，粉絲一見偶像現身就興𡚒狂叫。而Gareth.T 更以戴黑超，畫上兩行黑眼淚嘅特別造型出現，非常有個性。 

MC、洪嘉豪同陳蕾合體演出

呢晚這晚表演更精心安排突出每位歌手嘅才華，而且crossover令觀眾耳目一新！Lewsz 、陳蕾彈結他，Gigi彈Keyboard一齊夾Band、洪嘉豪彈琴與Nancy伴唱《Let go》、Gordon Flanders彈結他與Kaho 合唱《逆時車站》，一個又一個嘅驚喜都贏得唔少粉絲歡呼聲同鼓掌。

呢晚亦特別安排唔同歌手展示佢哋嘅才華

一向老友鬼鬼嘅陳蕾、洪嘉豪、MC仲又唱又跳《二損一》，將音樂會推到最高潮！ 而一眾男、女歌手更分成男、女團跳唱組合，陳蕾、Gigi張蔓姿、Kiri T、moon tang、Nancy以女團姿態跳唱薛凱琪嘅《886》，觀眾歡呼聲不絕；男團氣勢亦勢不可擋，洪嘉豪、MC 、Gareth.T 、Lewsz、Gordon Flanders唱郭富城嘅《Para Para Sakura》，點燃引爆高潮，

又分別組成男、女團組合分別演出

平時各自發展嘅佢哋合體一樣有睇頭

令粉絲們非常興奮。至於Dear Jane、Zpecial就喺「皇恩浩蕩」之下逃過大騷舞技嘅考驗，Rock爆嘅佢地一齊唱鄭秀文《煞科》。 最後歌手們「大晒冷」，12組歌手樂隊一齊出場唱Medley，又向現場觀眾派禮物，全晚毫不冷場，反應熱烈。所以演唱會結束後，一眾歌手都對呢晚演出表示好開心，齊聲話跳舞係最難掌握，所以都練咗好耐。

唔止觀眾睇得開心，連台上嘅一眾歌手一樣玩得過癮