姜丹尼爾香港演唱會跳足120分鐘 Encore「加碼」兼大派心心冧粉絲

韓國選秀節目《Produce 101第二季》拿下第一名、以限定男團Wanna One出道、有韓國「國民C位」之稱嘅姜丹尼爾（Kang Daniel），前晚舉行演唱會，姜丹尼爾相隔兩年再嚟港，型爆出場，粉絲尖叫聲不斷。

「國民C位」姜丹尼爾演唱會香港站，幾乎所有歌曲都是重新編曲，為歌迷帶來新體驗。
姜丹尼爾再度嚟港舉行演唱會，不僅獲大批香港粉絲捧場，亦吸食唔少內地粉絲專程參與，前日傍晚6點，姜丹尼爾以黑色閃爆西裝造型登場，唱出《Losing Myslef》及《Outerspace》，全場氣氛熱烈，而姜丹尼爾亦用廣東話「你好」跟粉絲打招呼。

姜丹尼爾在演唱會兩個小時的跳唱演出，令粉絲睇得興奮。
剛度過農曆新年假期，姜丹尼爾為咗香港個唱唔敢食太多，要等完騷後「補數」，佢透露已計劃好今年工作大計，相信 FLOWD（粉絲暱稱）會喜歡，請粉絲多多期待。姜丹尼爾全晚演出兩粒鐘，全程賣力又唱又跳，換咗4個造型。姜丹尼爾話今次巡迴跟以往最大分別係有樂隊現場演奏，並將所有目曲重新編曲，音樂更豐富，只能喺演唱會上聽到。

姜丹尼爾表示歌迷的熱情就是他最大動力。
姜丹尼爾不忘分享內心世界，坦言對音樂慾念好大，每次演譯歌曲《Color》都會想起出道初期，慨歎時間過得好快，亦感謝歌迷陪佢成長；姜丹尼爾連場勁歌熱舞，演唱完即嗌好熱、好辛苦，當姜丹尼爾聽見粉絲大讚佢有型，即表示已忘記痛苦。

不少粉絲遠從內地、韓國來支持，姜丹尼爾承諾努力創作更多好歌答謝粉絲支持。
姜丹尼爾演唱《Electric Shock》時，加插戲劇效果，被兩名舞蹈員抬上舞台，扮接受「心肺復蘇」後先醒。個唱尾聲，姜丹尼爾首度獻唱日文歌《RE8EL》嘅韓語版本，掀起全晚高潮，Encore環節更特別加碼再唱一次。姜丹尼爾完場前感謝台前幕後所有工作人員，特別感謝台下嘅歌迷，隨即向歌迷以射箭方式大派心心，惹來全場粉絲尖叫，向粉絲高呼「Love You」。

香港站演唱會熱爆場館，完場前更跟全場觀眾大合照。